Plantun de Prouvènço

Pèr coumpara dos planto d'encò nostre

Huperzia selago & Ranunculus acris

Huperzia selago

Lycopodiaceae

Noms en français : Lycopode sabine, Lycopode dressé.

Descripcioun :
Lou licoupode-sabino trachis dins li relarg séusous de mountagno, majamen li champino à rousage. Es uno planto sènso flour que douno d'èr à-n-uno grosso mousso mai duro e redo. Li fueio poungnento que sèmblon à li de la sabino soun touto à l'entour de la tijo. Lis espourange se vèson l'estiéu à la baso di fueio. La planto èi proutejido sus listo roujo, categourìo LC, es à dire soucit minour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 3 à 15 cm
Fueio : 1,5 cm
Tipe bioulougico : Camefite
Cicle bioulougico : Planto renadivo

Gènre : Asplenium
Famiho : Lycopodiaceae

Ordre : Lycopodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 600 à 2600 m
Aparado : Noun
Juliet à avoust

Liò : Champino - Roucas - Relarg à rousage - Tourbiero
Estànci : Mountagnard à Aupen
Couroulougi : Bourealo
Ref. sc. : Huperzia selago (L.) Bernh. ex Schrank & Mart, 1829 (= Lycopodium selago L., 1753 )

Boutoun-d'or

Ranunculus acris

Ranunculaceae

Àutri noum : Bacineto, Poumpoun-d'or, Loup-pauto, Pato-de-loup, Bacin-d'or.

Noms en français : Renoncule âcre, Bouton-d'or.

Descripcioun :
Lou boutoun-d'or es uno planto couneigudo mai pas toujour bèn destriado de si cousino di flour jauno peréu. Arregarda li sepalo peludo que dèvon èstre pegado contro li petalo e li fueio telado e descoupado (mai pas fin qu'au pecou). Lis akène negre an un bè un pau recourba.

Usanço :
Tóuti li ranouncle caupon de proutouanemounino, empouisounanto. Avèn pas trouba d'usanço particulièro au nostre. D'ùni pople indian d'Americo n'en manjon li fueio après en agué fa bouli mant'un cop li fueio. Aquéli servien peréu pèr sougna li mau de tèsto. Pòu tencha la lano en vióulet emé de bicarbounato de soudo.